Signaler ce blog
Tagi daγen ḥekkun-tt-id γef si muḥ- u -mḥend:Yiwen γas akken izweğ acḥal iseggasen aya ma d dderya ulac!Isεa yiwet tmeṭṭut d abannag!At taddart , yal mi ara d-tεeddi, yakfa wawal,tamuγli nsen ala ar γur-s!Ula d tilawin terwi-tent!!ṣṣifa neγ lkuṛ(icbeḥ wawal agi s trumit)lmalayek asmi tt-bnant gerrzent-as.
Ihi argaz kkes-d akken ur iεell ulac!Yugi Ṛebbi at-id-yerẓeq s weqcic neγ taqcict.Deg wakken iṛuja, inna:teḥṛem tmeṭṭut-iw lamer ad terfed s tadist alamma zliγ d ikerr bu sebεa turdas!!!!
Iεedda w'iεeddan , tamettut terfed, kra kan irna γur-s weqcic amzun d aggur.
Ah lεehd nni yefka,amek ara yexdem?
Iṛuḥ yeẓra-d ccix n taddart,yemla-as tadyant amek tella;akken ccix nni d-iwala zzaεbala n tmeṭṭut nni;indeh :Awwah!!!Teḥṛem fell-ak m'ur tezliḍ ara ikerr bu sebεa turdas; netta ladγa igubeṛ-itt-id.
Ansa ara d-yekk s yikerr annect n wa?Ma d azger kan!!Maεna netta mi iger lemεahda , inna ikerr mačči azger.
Iṛuḥ iwala-d sebεa lecyax;yal wa ara iwalin tameṭṭut nni ines a s-yini:Ma ur teṭṭifeḍ ara deg lεehd tefkiḍ atan tettuḥeṛṛem-ak tmettut-a.Ḥsan d akken ikerr bu sebεa turdas ur yelli,ihi tameṭṭut nni a s-ibru nutni a s-afen abrid!!!!!
Iεewweq di ṛṛay-is amek ara yexdem.Am win i s-d-ifkan aṣerfiq:Ala si Muḥend-U-Mḥend ara yi-iselken.
Iwweḍ ar γur-s,issefhem-as taqṣiḍt akken tella, ikker inna-as si muḥend :D aya!!!!!Awi-d mmi-k ternuḍ-d izimer k-ihwan.
Asmi yuγal,ixdem akken s-d-inna.Iddem-d si Muhend afus n llufan nni iεeddsa ittqissi s-yess izimer nni.Twalaḍ izimer agi yugar sebεa turdas s wacḥal.Ṛuḥ di lehna ar tmeṭṭut-ik u istebεa-s s waya:
SEBΣA LECYAX ΓRAN LAKIN RΓAN
KULWA IBΓA-TT I IMANI-IS
Seg wassen les brobros ttqissin s lmitra.
